លោកជំទាវ ហ៊ុន ដានី រដ្ឋលេខាធិការនៃក្រសួងទេសចរណ៍ បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារនារី និងយេនឌ័រក្នុងវិស័យទេសចរណ៍ ឆមាសទី១ ឆ្នាំ២០២១ ដើម្បីត្រួតពិនិត្យឡើងវិញការអនុវត្តការងារនាពេលកន្លងមក និងដាក់ចេញនូវទិសដៅការងារបន្ត

កិច្ចប្រជុំនេះធ្វើឡើង នារសៀលថ្ងៃទី១៥ ខែកក្កដា ឆ្នាំ២០២១ តាមរយ:ប្រព័ន្ធ Zoom Meeting ដែលមានការចូលរួមពីថ្នាក់ដឹកនាំស្ត្រីតាមអគ្គនាយកដ្ឋាន វិទ្យាស្ថានជាតិទេសចរណ៍ បណ្តានាយកដ្ឋាននានាចំណុះក្រសួង លោក លោកស្រីប្រធានមន្ទីរទេសចរណ៍រាជធានី-ខេត្ត និងមន្ត្រីជំនាញមួយចំនួនផងដែរ។
ថ្លែងក្នុងកិច្ចប្រជុំ លោកជំទាវរដ្ឋលេខាធិការក្នុងនាមឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានធ្វើការកោតសរសើរដល់មន្ត្រីភ្នាក់ងារអនុវត្តទាំងអស់ ដែលបានខិតខំចូលរួមចំណែកជាមួយក្រសួងក្នុងការអនុវត្ត និងជំរុញផ្សព្វផ្សាយអំពីវិធានសុវត្ថិភាពទេសចរណ៍ ក៏ដូចជាផែនទីចង្អុលផ្លូវដើម្បីស្តារ លើកស្ទួយវិស័យទេសចរណ៍ (២០២១-២០២៥) ជាពិសេសជំរុញការចូលរួមរបស់ស្ត្រី ពង្រឹងសមត្ថភាពស្ត្រីទាំងក្នុងវិស័យសេវាសាធារ: និងឯកជន ដោយសង្កត់ធ្ងន់លើការបណ្តុះបណ្តាលទាំងក្នុងរយ:ពេលខ្លី និងមធ្យមតាមប្រព័ន្ធអនឡាញ (Online Training) ដើម្បីឲ្យស្ត្រីកាន់តែមានភាពរឹងមាំ និងមានសមត្ថភាពក្នុងការបំពេញការងារ។
លោកជំទាវបានបន្ថែមថា នៅក្នុងអន្តរកាលនៃវិបត្តិជំងឺកូវីដ-១៩ ការត្រៀមនូវលក្ខណ:សម្បត្តិ និងការប្រែក្លាយវិបត្តិនេះឲ្យទៅជាឱកាសដើម្បីពង្រឹងទាំងផលិតផល សេវាកម្ម ពង្រឹងទាំងធនធានមនុស្ស ដែលជាសក្តានុពលក្នុងវិស័យទេសចរណ៍ គឺជារឿងចាំបាច់បំផុតដែលយើងទាំងអស់គ្នាត្រូវធ្វើ ស្របតាមឆន្ទ:របស់ក្រសួង ក្រោមការដឹកនាំរបស់ឯកឧត្តមរដ្ឋមន្ត្រី៕

This website, Tourismcambodia.org, the official website of Ministry of Cambodia of the Kingdom of Cambodia, is designed and maintained collaboratively by RED DOT (Cambodia) Co., Ltd and Cybernetics Ltd a full service branding and advertising agency in Cambodia. While efforts are made to ensure that all the information hereto are good, accurate and up to date, by visiting the website Tourismcambodia.org, viewing, accessing or otherwise using any of the services or information created, collected, compiled or submitted to Tourismcambodia.org, you agree to be bound by the our Terms and Conditions of Use, (Click here). If you do not want to be bound by our Terms, your only option is not to visit, view or otherwise use the services of Tourismcambodia.org. You understand, agree and acknowledge that these Terms constitute a legally binding agreement between you and Tourismcambodia.org and that your use of Tourismcambodia.org shall indicate your conclusive acceptance of this agreement.