ខេត្ត​ព្រះសីហនុ កំពត និង​កែប ទទួលបាន​គ្រឿងចក្រ​សម្អាត​ឆ្នេរ ៣​គ្រឿង តម្លៃ​ជិត​៤២​ម៉ឺន​ដុល្លារ សម្រាប់​សម្អាត​ឆ្នេរ​

(​ព្រះសីហនុ​)៖ ក្រោម​ការដឹកនាំ និង​ដាស់តឿន​ក្រើនរំលឹក​របស់​សម្តេច​តេជោ​នាយករដ្ឋមន្ត្រី ហ៊ុន សែន នោះគណៈកម្មាធិការ​ជាតិ​គ្រប់គ្រង និង​អភិវឌ្ឍន៍​តំបន់​ឆ្នេរសមុទ្រ​កម្ពុជា (​គ​.​អ​.​ឆ​.​ក​) ដែលមាន​ឧបនាយករដ្ឋមន្ត្រី ជា សុផារ៉ា ជា​ប្រធាន បាន​ខិតខំ​យក ចិត្ត ទុកដាក់​លើ​ការទប់ស្កាត់​ទឹក​សម្អុយ​មិន​ឲ្យ​ហូរ​ចូល​ទឹកសមុទ្រ និង​ខិតខំ​រិះរក​គ្រប់​វិធី​ដើម្បី​សម្អាត​ឆ្នេរ​ឲ្យបាន​ស្អាត​ផង​ដែរ​។​

​ផ្ដើមចេញ​ពី​ការយកចិត្តទុកដាក់​ទាំ​ង​នេះ គ​.​អ​.​ឆ​.​ក បានប្រគល់​គ្រឿងចក្រ​សម្អាត​ឆ្នេរ​ចំនួន ៣​គ្រឿង តម្លៃ​សរុប​ចំនួន ៤១៧,៩០០​ដុល្លារ ដល់​រដ្ឋបាល​ខេត្ត​ជាប់​ឆ្នេរសមុទ្រ​ចំនួន​៣ រួម​មាន​ខេត្ត​ព្រះសីហនុ ទទួលបាន​២​គ្រឿង ហើយ​ខេត្ត​កំពត និង​ខេត្ត​កែប ទទួល បាន​១​គ្រឿង​រួមគ្នា ដើម្បី​បម្រើ​ដល់​ការងារ​សម្អាត​ឆ្នេរសមុទ្រ​។​

​ពិធី​ប្រគល់​-​ទទួល​គ្រឿងចក្រ​សម្អាត​ឆ្នេរ​ខាងលើនេះ ត្រូវបាន​ធ្វើឡើង​នៅ​សាលាខេត្ត​ព្រះសីហនុ នា​ថ្ងៃ​ទី​៣១ ខែ​មករា ឆ្នាំ​២០១៩ ក្រោម​អធិបតីិភាព​ឯកឧត្ត​ម ថោង ខុន រដ្ឋមន្ត្រី​ក្រសួង​ទេសចរណ៍ និង​ជា​អនុប្រធាន​អចិន្ត្រៃយ៍ គ​.​អ​.​ឆ​.​ក ក្នុងនាម​តំណាង​ឧប នាយករដ្ឋមន្ត្រី ជា សុផារ៉ា ដោយ​មាន​ការចូលរួម​ពី​ឯកឧត្តម យន្ត មីន អភិបាលខេត្ត​ព្រះសីហនុ លោក​-​លោកស្រី​អភិបាលរង​ខេត្ត​កំពត និង​ខេត្ត​កែប ព្រមទាំង​មន្ត្រីរាជការ​មួយចំនួន​។​

​ក្នុងឱកាស​នោះ ឯកឧត្តម​រដ្ឋមន្ត្រី ថោង ខុន បានលើកឡើង​ពី​ភាព​រីកចម្រើន​លើ​វិស័យ​ទេសចរណ៍ ពិសេស​ការអភិវឌ្ឍ​នៅ​ខេត្ត​ព្រះសីហនុ ដែល​កំពុង​ទាក់ទាញ​កំណើន​ភ្ញៀវ​ទេសចរ​យ៉ាងច្រើន ឱ្យ​ធ្វើ​ដំណើរ​មក​ទស្សនា​នៅ​ខេត្ត​មួយ​នេះ ទាំង​ផ្លូវគោក ផ្លូវដែក ផ្លូវអាកាស និង​ផ្លូវទឹក ដូច្នេះ​ហើយ​អាជ្ញាធរ​ក៏​ត្រូវ​ការពារ​ឆ្នេរសមុទ្រ​ឱ្យបាន​ស្អាត​ផង​ដែរ​។​

​ឯកឧត្តម ថោង ខុន បាន​បន្តថា ក្រោម​ការចង្អុលបង្ហាញ​របស់​ឧបនាយករដ្ឋមន្ត្រី ជា សុផារ៉ា រដ្ឋមន្ត្រី​ក្រសួង​រៀបចំ​ដែនដី នគរូបនីយកម្ម និង​សំណង់ និង​ជា​ប្រធាន​គណៈកម្មាធិការ​ជាតិ​គ្រប់គ្រង និង​អភិវឌ្ឍន៍​តំបន់​ឆ្នេរសមុទ្រ​កម្ពុជា ទើប​គណៈកម្មាធិការ​មួយ​នេះ​សម្រេច​ផ្ដល់​គ្រឿងចក្រ​សម្អាត​ឆ្នេរ​ចំនួន ៣​គ្រឿង ដល់​រដ្ឋបាល​ខេត្ត​ជាប់​ឆ្នេរសមុទ្រ​ទាំងបី​នេះ​។​

​ឯកឧត្តម​រដ្ឋមន្ត្រី​បាន​ណែនាំ​ឱ្យ​មាន​យន្តការ​គ្រប់គ្រង ប្រើប្រាស់ និង​ថែទាំ​គ្រឿងចក្រ​ទាំងនេះ ដោយ​ឯកឧត្តម​បាន​ចាត់តាំង​មន្ទីរ​ទេសចរណ៍​ខេត្ត​នីមួយៗ ជា​សេនាធិការ​ឱ្យ គ​.​អ​.​ឆ​.​ក ថ្នាក់​ខេត្ត​នី​មួយៗ​ត្រូវ​គ្រប់គ្រង និង​ប្រើប្រាស់​គ្រឿងចក្រ​ទាំងនេះ​ឱ្យ​មាន​ប្រ សិទ្ធភាព ហើយ​ក្រុម​អ្នកជំនាញ​ក៏​ត្រូវមាន​ស្មារតី​ទទួលខុសត្រូវ​ខ្ពស់ ក្នុង​ការប្រើប្រាស់ ថែទាំ​គ្រឿងចក្រ​ទាំងនេះ​។​

​ឯកឧត្តម​មន្ត្រី​បាន​បន្តែមទៀតថា គ្រឿងចក្រ​សម្អាត​ឆ្នេរ​ទាំងនេះ ក៏​អាច​ពិចារណា​យក​ទៅ​កោះរ៉ុង​មួយ​គ្រឿង​ក៏​បាន ហើយ គ​.​អ​.​ឆ​.​ក ក៏​នឹង​ខិតខំ​រក​គ្រឿងចក្រ​សម្អាត​ឆ្នេរ​នេះ​ឱ្យ​បាន​មួយ​គ្រឿង​ទៀត សម្រាប់​ប្រគល់ជូន​រដ្ឋបាល​ខេត្ត​កោះកុង​ទុក​ប្រើប្រាស់​ផងដែរ​។​

​ឯកឧត្តម​បាន​អំពាវនាវ​ដល់​គ្រប់​ក្រសួង ស្ថាប័ន​ពាក់ព័ន្ធ​ទាំងអស់គ្នា ត្រូវ​ការពារ​កុំឱ្យ​ទឹក​កខ្វក់​ហូរ​ចូល​ទឹកសមុទ្រ ត្រូវ​គ្រប់គ្រង និង​សម្អាត​ឆ្នេរ​ឱ្យខាងតែបាន គ្រប់​ឆ្នេរ​ទាំងអស់​ដែល​ជា​របស់​សាធារណៈ​ត្រូវតែ​ស្អាត ឆ្នេរ​ណា​ដែល​គ្រប់គ្រង​ដោយ​ឯកជន ក៏​ត្រូវ​ស ហការ​គ្នា​សម្អាត​ឱ្យបាន​ស្អាត​ផង​ដែរ ធ្វើយ៉ាងណា​ធានា​ឱ្យ​ទឹកសមុទ្រ និង​ឆ្នេរ​ក៏​ត្រូវតែ​ស្អាត​។​


​ម្យ៉ាងទៀត អាជ្ញាធរ​ដែនដី មន្ទីរ អង្គភាព កងកម្លាំង​សមត្ថកិច្ច ក៏​ត្រូវ​សហការ​គ្នា​ខិតខំ​ប្រឹងប្រែង​ថែរក្សា ការពារ​បញ្ហា​សន្តិសុខ សណ្ដាប់ធ្នាប់​ក្នុង​ទីក្រុង​ឱ្យ​មាន​ប្រសិទ្ធភាព​។ ការ​ធ្វើ​យ៉ាង​ដូច្នេះ គឺ​ដើម្បី​ធានា​និរន្តរភាព​ក្នុង​ការអភិវឌ្ឍ​ទៅ​ថ្ងៃ​អនាគត និង​ដើម្បី​ទាក់ ទាញ​ភ្ញៀវទេសចរ​ឱ្យបាន​ច្រើន​ថែមទៀត​ផង​ដែរ​។​

​បើ​តាម​ឯកឧត្តម​រដ្ឋមន្ត្រី ថោង ខុន ៣​ខែ ឬ​៤​ខែ​ទៀត ស្ថានីយ​បូមទឹក​សម្អុយ​បណ្តោះអាសន្ន​ទាំង​៤ សម្រាប់​ស្ទាក់​ទឹក​កខ្វក់​កុំឱ្យ​ហូរ​ចូល​ទឹកសមុទ្រ នៅ​ខេត្ត​ព្រះសីហនុ នឹង​ត្រូវ​សាងសង់​ឡើង​។​

​ឯកឧត្តម​រដ្ឋមន្ត្រី​បាន​អំពាវនាវ​ឲ្យ​ប្រជាពលរដ្ឋ អាជីវករ និង​ភ្ញៀវទេសចរ​ទាំងឡាយ សូម​ចូលរួម​ជាមួយ​គ្រឿងចក្រ​សម្អាត​ឆ្នេរ​ទាំង នេះ ចូលរួម​យកចិត្តទុកដាក់​ចំពោះ​បញ្ហា​សំរាម អនាម័យ និង​ចូលរួម​គិតគូរ​ពី​បញ្ហា​បរិស្ថាន​ទាំងអស់គ្នា​។ អ្វីៗ​ទាំងអស់​ដែល​បាន​និង​កំពុង​ធ្វើ គឺ​សំដៅ​ចូលរួម​ត្រៀម​រៀបចំ​បុណ្យ​សមុទ្រ នៅ​ឆ្នាំ​២០២០ ទាំងអស់គ្នា​៕​

This website, Tourismcambodia.org, the official website of Ministry of Cambodia of the Kingdom of Cambodia, is designed and maintained collaboratively by RED DOT (Cambodia) Co., Ltd and Cybernetics Ltd a full service branding and advertising agency in Cambodia. While efforts are made to ensure that all the information hereto are good, accurate and up to date, by visiting the website Tourismcambodia.org, viewing, accessing or otherwise using any of the services or information created, collected, compiled or submitted to Tourismcambodia.org, you agree to be bound by the our Terms and Conditions of Use, (Click here). If you do not want to be bound by our Terms, your only option is not to visit, view or otherwise use the services of Tourismcambodia.org. You understand, agree and acknowledge that these Terms constitute a legally binding agreement between you and Tourismcambodia.org and that your use of Tourismcambodia.org shall indicate your conclusive acceptance of this agreement.