បុណ្យ​ទន្លេ​ឆ្នាំនេះ នឹង​រៀបចំ​នៅ​នៅ​ខេត្ត​កំពង់ឆ្នាំង ចាប់ពី​ថ្ងៃ​ទី​១៥-១៧ ខែ​មីនា ខាងមុខនេះ​

(​កំពង់ឆ្នាំង​)៖ ពិធីបុណ្យ​ទន្លេ​លើក​ទី​៥ នឹង​រៀបចំ​នៅ​នៅ​ខេត្ត​កំពង់ឆ្នាំង ចាប់ពី​ថ្ងៃ​ទី​១៥-១៧ ខែ​មីនា ឆ្នាំ​២០១៩ ខាងមុខនេះ ក្រោម​ប្រធានបទ «​ទន្លេ​៖ ផ្សារភ្ជាប់​សន្តិភាព ប្រជាជន និង​ទេសចរណ៍​»​។​

​ក្នុង​កិច្ចប្រជុំ​ត្រៀម​រៀបចំ​ពិធីបុណ្យ​ទន្លេ នា​ថ្ងៃ​ទី​១០ ខែ​មករា ឆ្នាំ​២០១៩ លោក ថោង ខុន រដ្ឋមន្ត្រី​ក្រសួង​ទេសចរណ៍ បាន​ជំរុញ​ឱ្យ​រដ្ឋបាល​ខេត្ត​កំពង់ឆ្នាំង ខិតខំ​បន្ត​រៀបចំ​របៀបរៀបរយ សណ្តាប់ធ្នាប់ អនាម័យ​សាធារណៈ ពិសេស​ក្នុង​ទីក្រុង និង​តាម​ដង​ទន្លេ​ឱ្យបាន​ល្អ និង​ខិតខំ​ចាប់​យក​ឱកាស​នៃ​បុណ្យ​ទន្លេ​នេះ ពង្រីក​ការយល់​ដឺ​ង​សាធារណៈ​ក្នុង​កិច្ច​រក្សា​ការពារ​បរិស្ថាន ជីវចម្រុះ​តាម​ដង​ទន្លេ និង​ខិតខំ​ពង្រីក​ការផ្សព្វផ្សាយ​ពី​គោលដៅ​ទេសចរណ៍​ឱ្យ​បាន​ច្រើន​។​

​កិច្ចប្រជុំ​នេះ​ធ្វើឡើង​នៅក្នុង​សាលាខេត្ត​កំពង់ឆ្នាំង ក្រោម​អធិបតីភាព​ឯកឧត្តម​រដ្ឋមន្ត្រី ថោង ខុន ឯកឧត្តម ឈួ​រ ចាន់ឌឿ​ន អភិបាលខេត្ត​កំពង់ឆ្នាំង លោកស្រី ដោ​ក សុ​ទ្ធា ប្រធាន​ក្រុមប្រឹក្សា​ខេត្ត​កំពង់ឆ្នាំង ព្រមទាំង​មាន​ការចូលរួម​ពី​ថ្នាក់ដឹកនាំ​ក្រសួង​ទេសចរណ៍ រដ្ឋបាល​ខេត្ត​កំពង់ឆ្នាំង តំណាង​មន្ទីរ​-​អង្គភាព​ជុំវិញ​ខេត្ត និង​មន្ត្រី​ពាក់ព័ន្ធ​មួយចំនួន​ទៀត​។​

​ក្នុង​កិច្ចប្រជុំ​ខាងលើ ឯកឧត្តម​រដ្ឋមន្ត្រី​បាន​ថ្លែងថា រដ្ឋបាលខេត្ត និង​មន្ទីរ​ទេសចរណ៍ មន្ទីរ​ពាក់ព័ន្ធ​នានា​ក្នុង​ខេត្ត ត្រូវខិតខំ​ចាប់យក​ឱកាស​នៃ​ការ​ប្រារព្ធ​ពិធីបុណ្យ​ទន្លេ​លើក​ទី​៥ ដើម្បី​ផ្សព្វផ្សាយ​លើកកម្ពស់​ការយល់​ដឺ​ង​សាធារណៈ អំពី​ភាព​ស្អាត និង​បៃតង ថែរក្សា​បរិស្ថាន​ទន្លេ បរិស្ថាន​ទីក្រុង លើកកម្ពស់​គុណភាព ផលិលផល និង​សេវា​ទេសចរណ៍​ឱ្យ​បានល្អ ត្រូវ​ខិតខំ​ស្រាវជ្រាវ និង​ពង្រីក​គោលដៅ​ទេសចរណ៍​ថ្មីៗ ឱ្យបាន​ច្រើន​សាក​សមជា​ខេត្ត ដែល​សម្បូរ​ទៅ​ដោយ​សក្តានុពល​ទេសចរណ៍ វប្បធម៌ ប្រវត្តិសាស្ត្រ ធម្មជាតិ​ដ៏​សម្បូរបែប ពិសេស​ទេសភាព​តាម​ដង​ទន្លេ​។​

​ក្រៅពីនេះ ឯកឧត្តម​រដ្ឋមន្ត្រី ថោង ខុន ក៏​បាន​ជំរុញ​ឱ្យ​មន្ទីរ​ទេសចរណ៍​ខិតខំ​អភិវឌ្ឍន៍​រមណីយដ្ឋាន​ទេសចរណ៍​ទាំងឡាយណា ដែល​មិនទាន់​មាន​ការអភិវឌ្ឍ និង​ត្រូវ​រៀបចំ​រមណីយដ្ឋាន​ទេសចរណ៍​ផ្សេងទៀត ឱ្យ​កាន់តែ​មាន​ភាព​ទាក់ទាញ ពិសេស​ត្រូវ​ខិតខំ​កៀរគរ​រក​ក្រុមហ៊ុន​វិនិយោគ​លើ​វិស័យ​ទេសចរណ៍ ដើម្បី​បង្កើត​ផលិតផល​ទេសចរណ៍​ថ្មីៗ​នៅក្នុង​ខេត្ត​បន្ថែមទៀត​។​

​ឯកឧត្តម​ក៏បាន​ជំរុញ​ឱ្យ​មាន​ការយកចិត្ត​ទុកដាក់​ពី​ការពង្រឹង​សន្តិសុខ សណ្ដាប់ធ្នាប់ សេវា​ម្ហូបអាហារ រមណីយដ្ឋាន​ទេសចរណ៍ បង្គន់​អនាម័យ​សាធារណៈ និង​ចល័ត បញ្ហា​អនាម័យ បញ្ហា​សំរាម តាម​ដង​ទន្លេ ទីផ្សារ ទីក្រុង​ស្អាត រមណីយដ្ឋាន​ស្អាត និង​ត្រូវ​រៀបចំ​ពិព័រណ៍​ម្ហូបអាហារ ពិព័រណ៍​ផលិតផល​ក្នុងស្រុក ព្រមទាំង​ត្រូវ​រៀបចំ​ឱ្យ​បានល្អ​នូវ​កម្មវិធី​សិល្បៈ ព្រឹត្តិការណ៍​កីឡា និង​ពិធី​ផ្សេងៗ ពិសេស​ត្រូវ​ត្រៀម​ទទួល​ស្វាគមន៍​វត្តមាន​សម្ដេច​តេជោ និង​សម្តេច​កិត្តិ​ព្រឹទ្ធ​បណ្ឌិត​ឱ្យបាន​ល្អ និង​ហ្មត់ចត់​បំផុត​៕​

This website, Tourismcambodia.org, the official website of Ministry of Cambodia of the Kingdom of Cambodia, is designed and maintained collaboratively by RED DOT (Cambodia) Co., Ltd and Cybernetics Ltd a full service branding and advertising agency in Cambodia. While efforts are made to ensure that all the information hereto are good, accurate and up to date, by visiting the website Tourismcambodia.org, viewing, accessing or otherwise using any of the services or information created, collected, compiled or submitted to Tourismcambodia.org, you agree to be bound by the our Terms and Conditions of Use, (Click here). If you do not want to be bound by our Terms, your only option is not to visit, view or otherwise use the services of Tourismcambodia.org. You understand, agree and acknowledge that these Terms constitute a legally binding agreement between you and Tourismcambodia.org and that your use of Tourismcambodia.org shall indicate your conclusive acceptance of this agreement.