English
The Ministry of Tourism of Cambodia
The Ministry of Tourism of Cambodia
Kingdom of Wonder

Pchum Ben Day or All Soul Day

Pchum Ben Day or All Soul Day

Running for 15 days from the end of September into October, and the exact date determined by the lunar calendar, this festival is dedicated to blessing...

| More
Cambodian Food

Prahok Kties

Prahok KtiesOur first meal in Cambodia consisted of fresh vegetables and prahok | More

Cambodia Tourism Law - Kingdom of Wonder
Service Category
Weather & Forecast
Phnom Penh (Capital)
Chance of a Thunderstorm
33°C
Feels Like: 36°C
Currency Exchange
1 EUR ≈ 5,537.68 KHR
1 USD ≈ 4,002.00 KHR
Adventure Cambodia SPOT CNN SPOT
Blog
Multimedia
FAQ
Child Safe Tourism

Visitor

Yesterday
:
2515
Today
:
1477
Total
:
2373181
 

អត្ថបទ​សារព័ត៌មាន​សម្រាប់​កិច្ច​ប្រជុំ​មហា​សន្និបាត​លើក​ទី​9 ក្លឹប​ឆ្នេរ​សមុទ្រ

អត្ថបទ​សារព័ត៌មាន​
​សម្រាប់​កិច្ចប្រជុំ​មហាសន្និបាត​លើក​ទី​៩ ក្លឹប​ឆ្នេរសមុទ្រ​ដែល​ស្អាត​បំផុត​លើ​សាកលលោក​
​ថ្ងៃទី​៦ ខែ​ធ្នូ ឆ្នាំ​២០១៣ រមណីយដ្ឋាន​ឋាន​សួគ៍​បូកគោ ខេត្ត​កំពត​

​កាលពី​ថ្ងៃ​ទី​៦ ខែ​ធ្នូ ឆ្នាំ​២០១៣ កម្ពុជា​បាន​ធ្វើ​ជា​ម្ចាស់ផ្ទះ​រៀបចំ​កិច្ចប្រជុំ​មហាសន្និបាត​លើក​ទី​៩ របស់​ក្លឹប​ឆ្នេរ​សមុទ្រ​ដែល​ស្អាត​បំផុត​លើ​សាកលលោក ក្រោម​អធិបតីភាព​ដ៏​ខ្ពង់ខ្ពស់ សម្តេច​អគ្គមហាសេនា​- ប​តី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា ដោយ​មាន​ការចូលរួម​ពី​គណៈប្រតិភូ​ឆ្នេរ​ចំនួន ២៩​ឆ្នេរ ស្មើនឹង​១៨​ប្រទេស សរុប​ប្រមាណ ១១០​រូប ដែល​រួមមាន​៖

  • ឆ្នេរសមាជិកចំនួន ២៤ ឆ្នេរ ​
  • ឆ្នេរសមាជិកថ្មីចំនួន ១ ឆ្នេរ គឺឆ្នេរ Sakarun របស់ប្រទេស Croatie
  • ​ឆ្នេរ​ដាក់​សុំ​បេក្ខភាព​ចំនួន ៣ ឆ្នេរ គឺ​ឆ្នេរ Matsushima និង​ឆ្នេរ Toyama របស់​ប្រទេស​ជប៉ុន និង​ឆ្នេរ Nekour Al Hoceima របស់​ប្រទេស Morrocco
  • ឆ្នេរសង្កតការចំនួន ១ ឆ្នេរ គឺឆ្នេររបស់ប្រទេស Vanautu

ជា​កិច្ច​ចាប់ផ្តើម អង្គ​មហាសន្និបាត​បាន​សំដែង​នូវ​ការគាំទ្រ​ចំពោះ​អនុសាសន៍​ដ៏​ខ្ពង់ខ្ពស់​របស់​សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា នា​ឳ​កាស​បើក​មហាសន្និបាត​ក្លឹប​។ អង្គ​មហាសន្និបាត​បាន​ពិភាក្សា​លើ​លទ្ធផល​ការងារ​របស់​ក្លឹប​ក្នុង​ឆ្នាំ​២០១២-២០១៣ ដោះស្រាយ​បញ្ហា​ប្រឈម​នានា​ដែល​សមាជិក​ក្លឹប​បាន​នឹង​កំពុង​ជួបប្រទះ និង​ធ្វើ​ការពិនិត្យ​ទៅលើ​ឆ្នេរ​ដាក់សុំ​បេក្ខភាព​ទាំង​៣​។ ជា​លទ្ធផល អង្គ​មហាសន្និបាត​បានអនុម័ត​លើ​ការប្រើប្រាស់ Logo របស់​ក្លឹប​សំរាប់​សមាជិក​នីមួយៗ និង​បាន​សម្រេច​បញ្ចូល​ឆ្នេរ Matsushima របស់​ប្រទេស​ជប៉ុន​ជា​សមាជិក​ថ្មី​របស់​ក្លឹប ព្រម​ជាមួយនឹង​ការ​ប្រកាស​បញ្ចូល​ជា​ផ្លូវការ​ឆ្នេរ Sakarun របស់​ប្រទេស Croatie ជា​សមាជិក​ពេញ​សិទ្ធ​របស់​ក្លឹប​។ ទន្ទឹមនឹងនេះ​ដែរ អង្គ​សន្និសីទ​បាន​ទទួលយក​បេក្ខភាព​ឆ្នេរ​សមាជិ​ចំនួន​ពីរ​គឺ​ឆ្នេរ Toyama របស់​ប្រទេស​ជប៉ុន និង​ឆ្នេរ AL Hohoceima របស់​ប្រទេស​ម៉ារ៉ុក​។​

ជាមួយគ្នានេះដែរ នៅ​មាន​ការរៀបចំ​សន្និសីទ​អន្តរជាតិ​ស្តីពី​”​ការគ្រប់គ្រង​តំបន់​ឆ្នេរសមុទ្រ​ក្រោម​ប្រធានបទ “​សមុទ្រ​ខៀវស្រងាត់ និង​ទីក្រុង​បៃតង (Blue Sea, Green City)” នៅ​ថ្ងៃ​ទី​៧ ខែ​ធ្នូ ឆ្នាំ​២០១៣ ដោយ​មាន​ចូលរួម​ធ្វើ​បទ​បង្ហាញ​ពី​សំណាក់​វាគ្មិន​ជាតិ និង​អន្តរជាតិ អ្នក​សារពត៌មាន សមាជិក​ក្លឹប​ឆ្នេរ​សមុទ្រ​ដែល​ស្អាត​ជា​ត​គេ​បំផុត​លើ​សកលលោក តំណាង​អង្គការ​Global pratnership និង​មាន​អ្នកចូលរួម​ប្រមាណ ៥០០​នាក់​ផង​ដែរ​។ ទន្ទឹមនឹងនោះ អង្គ​សន្និសីទ​បាន​អនុម័ត​លើ​សេចក្តីថ្លែងការណ៍​បូកគោ​ស្តីពី​ការអភិវឌ្ឍ​ទីក្រុង​តំបន់ឆ្នេរ​ប្រកបដោយ​និរន្តរភាព (Bokor Declaration on Sustainable Development of Coastal City) ដែល​ជា​គំនិត​ផ្តួចផ្តើម​របស់​កម្ពុជា ដោយ​សេចក្តីថ្លែងការណ៍​នេះ​នឹង​ក្លាយ​ជា​ធាតុ​ចូល​សំខាន់ៗ (Inputs) សម្រាប់​ជា​ឯកសា​រយោង​ក្នុង​ការរៀបចំ​ផែនការ​គ្រប់គ្រង និង​អភិវឌ្ឍ​តំបន់ឆ្នេរ​ប្រកបដោយ​និរន្តរភាព និង​ការទទួលខុសត្រូវ​។ ក្នុងន័យនេះ សេចក្តីថ្លែងការណ៍​បាន​វាយតម្លៃ​ខ្ពស់​ចំពោះ​ការអភិវឌ្ឍ​រមណីយដ្ឋាន​ឋាន​សួឋ៌បូកគោ​ដោយ​បាន​ចាត់ទុកថា​ជា​គំរូ​នៃ​ការអភិវឌ្ឍ​អេកូ​ទេសចរណ៍​មួយ​ដែល​គ្មាន​ផ្លា​ស្ទីក ហើយ​ដែល​ប្រទេស​ជា​សមាជិក​អាច​យក​ជា​គំរូ​ក្នុង​ការអភិវឌ្ឍ​អេកូ​ទេសចរណ៍​របស់​ខ្លួន​។​

ទន្ទឹមនឹងនោះ ក៏​មាន​ការចុះហត្ថលេខា​រវាង​ក្លឹប​ឆ្នេរ​សមុទ្រ​ដែល​ស្អាត​បំផុត​លើ​សាកលលោក និង​អង្គការ​ភាព​ជា​ដៃគូ​ពិភពលោក​សម្រាប់​ការអភិវឌ្ឍ​ទេសចរណ៍ ព្រមទាំង​ការប្រគល់​សញ្ញា​ជូន​ឆ្នេរ​សមាជិក​ថ្មី គឺ​ឆ្នេរ Matsushima របស់​ប្រទេស​ជប៉ុន និង​ឆ្នេរ Sakarun របស់​ប្រទេសក្រូ​អាស៊ី​។ លើសពីនេះទៅទៀត ប្រធាន​ក្លឹប​ឆ្នេរ​សមុទ្រ​ដែល​ស្អាត​បំផុត​លើ​សាកលលោក បាន​ប្រគល់​លិខិត​សរសើរ​ជូន​ថ្នាក់ដឹកនាំ​រួមមាន​ឯកឧត្តម អ៊ឹម ឈុនលឹម ទេសរដ្ឋមន្ត្រី​រដ្ឋមន្ត្រី​ក្រសួង​រៀបចំ​ដែនដី នគរូបនីយកម្ម និង​សំណង់ និង​ជា​ប្រធាន​គណៈកម្មាធិការ​ជាតិ​គ្រប់គ្រង និង​អភិវឌ្ឍ​តំបន់​ឆ្នេរសមុទ្រ​កម្ពុជា​(​គ​.​អ​.​ឆ​.​ក​) ឯកឧត្តម ថោង ខុន រដ្ឋមន្ត្រី​ក្រសួង​ទេសចរណ៍ និង​ជា​អនុប្រធាន​អចិន្ត្រៃយ៍​គណៈកម្មាធិការ​ជាតិ​គ្រប់គ្រង និង​អភិវឌ្ឍ​តំបន់ឆ្នេរ សមុទ្រ​កម្ពុជា និង​ឯកឧត្តម សាយ សំ​អាល់​រដ្ឋមន្ត្រី​ក្រសួង​បរិស្ថាន និង​ជា​អនុប្រធាន​គណៈកម្មាធិកា​រ​ជាតិ​គ្រប់គ្រង និង​អភិវឌ្ឍ​តំបន់​ឆ្នេរសមុទ្រ​កម្ពុជា​(​គ​.​អ​.​ឆ​.​ក​) ចំពោះ​កិច្ចខិតខំ​ប្រឹងប្រែង​ក្នុង​ការអភិរក្ស និង​អភិវឌ្ឍ​តំបន់​ឆ្នេរសមុទ្រ​កម្ពុជា និង​ផ្តល់​នូវ​លិខិត​ថ្លែងអំណរគុណ​ចំពោះ​សហភាព​សហព័ន្ធ​យុ​ជនកម្ពុជា ក្នុង​ការផ្តល់​កំលាំង​យុវជន​ក្នុង​ការចូលរួម​ក្នុង​សកម្មភាព​បញ្ជាប់​ការយល់ដឹង និង​សំអាត​អនាម័យ​ក្រុងកែប ក្រុង​កំពត ក្នុង​ការត្រៀម​ទទួល​គណៈប្រតិភូ​ក្លឹប​មហាសន្និបាត​លើក​ទី​៩​នេះ ព្រម​ជាមួយ​នឹង​លិខិត​ថ្លែងអំណរគុណ​ដល់​ក្រុមហ៊ុន​ស្រា​បៀរ​កម្ពុជា​ក្នុង​ការជួយ​ឧបត្ថម្ភ​កម្មវិធី​ខាងលើ​។​

​បន្ទាប់ពី​បាន​បញ្ចប់​កិច្ចប្រជុំ​មហាសន្និបាត គណៈប្រតិភូ​ក្លឹប រួម​ទាំង​ភ្ញៀវ​ជាតិ និង​អន្តរជាតិ​នឹង​ចូលរួម​ពិធីបុណ្យ​សមុទ្រ​ក្រោម​អធិបតីភាព​ដ៏​ខ្ពង់ខ្ពស់​ឯកឧត្តម​បណ្ឌិត​សភា​ចារ្យ សុខ អាន ឧបនាយករដ្ឋមន្ត្រី រដ្ឋមន្ត្រី​ទទួលបន្ទុក​ទីស្តីការគណៈរដ្ឋមន្ត្រី និង​ជា​តំណាង​ដ៏​ខ្ពង់ខ្ពស់​របស់​សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា នៅ​ថ្ងៃ​ទី​៧ ខែ​ធ្នូ ឆ្នាំ​២០១៣ ខេត្ត​កែប​។​

Photo Gallery