English
The Ministry of Tourism of Cambodia
The Ministry of Tourism of Cambodia
Kingdom of Wonder
Southeast Asia Feel the Warmth
ASEAN Culture and Heritage
Blog
Multimedia

Pchum Ben Day or All Soul Day

Pchum Ben Day or All Soul Day

Running for 15 days from the end of September into October, and the exact date determined by the lunar calendar, this festival is dedicated to blessing...

| More
Cambodian Food

Prahok Kties

Prahok KtiesOur first meal in Cambodia consisted of fresh vegetables and prahok | More

Cambodia Tourism Law - Kingdom of Wonder
Service Category
Weather & Forecast
Phnom Penh (Capital)
Partly Cloudy
28°C
Feels Like: 31°C
Currency Exchange
1 EUR ≈ 4,506.39 KHR
1 USD ≈ 4,064.54 KHR
CNN SPOT Adventure Cambodia SPOT CNN SPOT
FAQ
Child Safe Tourism

Visitor

Yesterday
:
3,056
Today
:
14
Total
:
3,982,250
 

UNWTOបានរៀបចំសន្និសីទ​ថ្នាក់​តំបន់​ស្ដីពី​ការអភិវឌ្ឍន៍ វិស័យ​ទេសចរណ៍​ក្នុង​តំបន់​បេតិកភណ្

​សៀមរាប ៖ អង្គការ​ទេសចរណ៍​ពិភពលោក (UNWTO) បាន​បើក​សន្និសីទ​ថ្នាក់​តំបន់​ស្ដីពី​ការអភិវឌ្ឍន៍​វិស័យ​ទេសចរណ៍​ក្នុង​តំបន់​បេតិកភណ្ឌ​វប្បធម៌ និង​ធម្មជាតិ ដែល​បាន​រៀបចំ ហើយ​កម្ពុជា បាន​ធ្វើ​ជា​ម្ខាស់ផ្ទះ​។ ពិធី​នេះ​រៀបចំ​នៅ​សណ្ឋាគារ​សុខា​ល័យ​អង្គរ​ក្នុង​ក្រុង​សៀមរាប ក្នុង​រយៈពេល​ពីរ​ថ្ងៃ​គឺ នៅ​ថ្ងៃ​ទី​០១ ដល់ ០៣ ខែវិច្ឆិកា ឆ្នាំ​២០១៣ ។​

​ពិធី​បើក​សិក្ខា​លា​សា​នេះ​ស្ថិតក្រោម​អធិបតីភាព​របស់​លោក សុខ អាន ឧបនាយករដ្ឋមន្ត្រី រដ្ឋមន្ត្រី ទទួលបន្ទុក​ទីស្តីការគណៈរដ្ឋមន្ត្រី និង​លោក​បណ្ឌិត តា​លិប រី​ហ្វាវ (Taleb Rifai) អគ្គលេខា UNWTO និង​មាន​ការចូលរួម​ពី​លោក ថោង ខុន រដ្ឋមន្ត្រី​ក្រសួង​ទេសចរណ៍ លោក ឃឹម ប៊ុន​សុង អភិបាលខេត្ត​សៀមរាប លោក លោកស្រី ដែល​ជា​ប្រតិភូ​បរទេស​នៃ​បណ្ដា​ប្រទេស​សមាជិក UNWTO ព្រមទាំង​មន្ត្រី​នៃ​អង្គភាព ស្ថាប័ន អង្គការ​ជាតិ អន្តរជាតិ ឯកអគ្គរដ្ឋទូត​̸​រាជទូត រួម​និង វិស័យ​ឯកជន សរុប​ប្រមាណ​ជា ៣០០​នាក់ ។​

​លោក ថោង ខុន បាន​មានប្រសាសន៍ថា នៅ​បណ្ដា​ប្រទេស​ជាច្រើន​នៅក្នុង​ពិភពលោក​គឺ​វិស័យ ទេសចរណ៍​បាន​ចូលរួមចំណែក​យ៉ាង​សំខាន់ និង​ដ៏​មាន​ស​សក្ដានុពល​សម្រាប់​កំណើនសេដ្ឋកិច្ច និង​ការអភិវឌ្ឍន៍​ជាតិ​។ មិនតែប៉ុណ្ណោះ វិស័យ​ទេសចរណ៍​បាន​ដើរតួនាទី​យ៉ាង​សំខាន់​ក្នុងការ​ធ្វើឲ្យ​មាន​ការអភិវឌ្ឍ​ប្រកបដោ​យ​និរ​ន្ត​ភាព ព្រមទាំង​បាន​ចូលរួម​ក្នុង​ការលើកកម្ពស់ និង​អភិរក្ស​នូវ​រាល់​សម្បត្តិ​បេតិកភណ្ឌ​វប្បធម៌ និង​ធម្មជាតិ​ផងដែរ​។​

សម្បត្តិ​វប្បធម៌ និង​ធម្មជាតិ គឺជា​កេរ្តិ៍មរតក​ដ៏​មាន​តម្លៃ​សម្រាប់​ទ្រទ្រង់​សេដ្ឋកិច្ចពិភពលោក និង​មាន​ផល​អនុគ្រោះ​ខ្ពស់​សម្រាប់​សកម្មភាព​នៃ​ឧស្សាហកម្ម​ទេសចរណ៍​អន្តរជាតិ​។ លោក​បណ្ឌិត តា​លិប រី​ហ្វាវ (Taleb Rifai) អគ្គលេខាធិការ UNWTO បាន​មានប្រសាសន៍​នៅក្នុង​ពិធី​បើក​នោះ​ថា រហូតដល់​ពេល​បច្ចុប្បន្ន តំបន់​ធម្មជាតិ និង​វប្បធម៌​ប្រមាណ​ជា ១​ពាន់​ហើយ ដែល​បាន​ចុះ​ឈ្មោះ​ជា​ផ្លូវការ​នៅក្នុង​បញ្ជី​បេតិកភណ្ឌ​ពិភពលោក​។ ដោយ​កត្តា​ប្រឈម​នាពេល​បច្ចុប្បន្ន​ក្នុង បរិបទ​ថ្មីៗ​នេះ គឺ​មាន​ការផ្លាស់ប្ដូរ និង​ដោយសារ​សកល​រូប​នី​កម្ម​សម្រាប់​ពិភពលោក​ទាំងមូល គឺ​តម្រូវ​ឲ្យ​យើង​ធានាឲ្យបាន​នូវ​រាល់​គុណ​តម្លៃដ៏​មហាសាល​ទាំងនេះ ឲ្យ​ស្ថិត​នៅ​បាន​គង់វង្ស ហើយ​ត្រូវ​ផ្ដល់​នូវ​ចំណេះដឹង​ពិតប្រាកដ ដែល​ជា​បទពិសោធន៍​ប្រកប​ដោយ​មាត្រដ្ឋាន​ត្រឹមត្រូវ​ជូន​ដល់ ភ្ញៀវទេសចរ​ផង​ដែរ​។​

លោក​បន្ដថា បេតិកភណ្ឌ​វប្បធម៌ និង​ធម្មជាតិ គឺជា​ទ្រព្យ​ដ៏​មហាសាល​តែមួយគត់ ហើយ​សម្បត្តិ​ទាំងនេះ ក៏​មាន​ភាពផុយស្រួយ​ផងដែរ ម្យ៉ាង​ដោយ​កំណើន​ភ្ញៀងទេសចរណ៍​មានកា​រ​កើនឡើង នៅ​ទូទាំង​ពិភពលោក ដែល​តម្រូវ​ឲ្យ​យើង​មាន​ការរួម​គ្នា​ថែរក្សា និង​អភិរក្ស សម្រាប់​ឲ្យមាន​ភាព​យូរអង្វែង​។ ហេតុផល​ខ្លះទៀត គឺ​បណ្ដាលមកពី​ការអភិវឌ្ឍន៍ និង​ការគ្រប់គ្រង​នៅ​តំបន់​នោះ​មិនសូវ​មាន​ផែនការ និង​ការគ្រប់គ្រង​ច្បាស់លាស់​។ ដើម្បី​ឆ្លើយតប​ទៅ​នឹង​ការគ្រប់គ្រង​នៃ​វិស័យ ទេសចរណ៍​ប្រកបដោយ​ប្រសិទ្ធិភាព​ខ្ពស់ សំខាន់បំផុត គឺ​យើង​ត្រូវ​គិតគូរ​ក្នុង​ការអភិវឌ្ឍន៍ និង​អភិរក្ស​តំបន់​បេតិកភណ្ឌ​ទាំង​នោះ​ឲ្យមាន​និរន្តរភាព​។​

​លោក​អគ្គលេខាធិការ​បា​ន​ជំរុញ​ឲ្យ​បណ្តា​ប្រទេស​នៅក្នុង​តំបន់​ទាំងអស់ ត្រូវខិតខំ​រួបរួមគ្នា​ក្នុង​ការគ្រប់គ្រង និង​ថែរក្សា​ឲ្យបាន​ល្អ​ប្រសើរ នូវ​រាល់​សម្បត្តិ​បេតិកភណ្ឌ​ធម្មជាតិ និង​វប្បធម៌ ដើម្បី​ទទួលបាន​ផល​ទាំងពីរ គឺ​ទាំង​ផល​បានមកពី​ទេសចរណ៍ និង​ការថែរក្សា​សម្បត្តិ​បេតិកភណ្ឌ​វប្បធម៌ និង​ធម្មជាតិឲ្យបាន​កាន់តែ​ល្អ​ប្រសើរ​ថែម​ទៀត​។ លោក​ក៏​បាន​ធ្វើការ​កោត​ស​សើរ​ដល់​រាជ​រដ្ឋា ភិបាល​កម្ពុជា ដែល​កន្លងមក មាន​ការគ្រប់គ្រង​សម្បត្តិ​បេតិកភណ្ឌ​វប្បធម៌​បានល្អ ជាពិសេស​នោះ គឺ​ការ​មាន​សន្តិសុខ ស្ថេរភាព​នយោបាយ ដែល​ជា​កត្តា​ដ៏​ល្អប្រសើរ​ក្នុង​ការ​ធ្វើឲ្យមាន​នូវ​កំណើន​ភ្ញៀវទេសចរ​មក​ទស្សនា​កម្ពុជា​កាន់តែ​ច្រើន​ឡើង​បន្ថែម​ទៀត​។​

​លោក​ឧបនាយករដ្ឋមន្ត្រី សុខ អាន បាន​មានប្រសាសន៍​នៅក្នុង​ពិធី​បើក​សិក្ខាសាលា​ថ្នាក់​តំបន់ អាស៊ី​-​ប៉ាស៊ីហ្វិក​នេះ​ថា សម្រាប់​កម្ពុជា យើង​មានសម្បត្តិ​វប្បធម៌ ប្រវត្តិសាស្ត្រ និង​សម្បត្តិ​ធម្មជាតិ​ដ៏ សម្បូរណ៌បែប ដែល​មាន​ស​កត្តា​នុព​ល​ខ្ពស់​ក្នុង​ការ​ពន្លឿន​នូវ​កំណើន​នៃ​វិស័យ​ទេសចរណ៍​របស់​ខ្លួន​។ ក្នុងនោះ​យើង​មាន​បណ្ដា​ប្រាង្គ​ប្រាសាទ​រាប់រយ​ពាន់ ហើយ​ប្រាសាទ​មួយចំនួន​ត្រូវបាន​ចុះ​ចូល​ក្នុង​បញ្ជី​បេតិកភណ្ឌ​ពិភពលោក​ហើយ ដូចជា ប្រាសាទអង្គរវត្ត ប្រាសាទ​ព្រះវិហារ ចំពោះ​សម្បត្តិ​ធម្មជាតិ​យើង​មាន ដូចជា បឹង​ទន្លេសាប ជួរ​ភ្នំ ព្រៃឈើ និង​ធម្មជាតិ​ជាច្រើន​ទៀត​។​

​លោក​បន្ត​មាន​ប្រសាសន៍ថា ប្រទេស​កម្ពុជា​បាន​លើកយក​សម្បត្តិ​បេតិកភណ្ឌ​វប្បធម៌ និង​ធម្មជាតិ ចំនួន មក​ដាក់​ពិភាក្សា​នៅក្នុង​ស​ន្និសិទ​នេះ ជារួម​តំបន់រ​ម្មណី​យដ្ឋា​ន​អង្គរ ជា​បេតិកភណ្ឌ​វប្បធម៌ និង​តំបន់​បឹង​ទន្លេសាប ជា​តំបន់រ​ម្មណី​យដ្ឋា​ន​ធម្មជាតិ ដើម្បី​បង្ហាញ​ពី​បញ្ហា​ប្រឈម ដែល​កំពុង​ជួបប្រទះ និង​ដក​សង់​យក​បទពិសោធន៍​ល្អៗ​ពី​បណ្តា​ប្រទេស​នានា និង​ដៃគូរ ក្នុង​គោលបំណង​ធ្វើឲ្យ​មាន​ការទាក់ទាញ​នូវ​ចំណាប់អារម្មណ៍​របស់​ភ្ញៀវ​ទេសចរណ៍ ឲ្យមក​ទស្សនា​កម្ពុជា​កាន់តែច្រើ​ន​បន្ថែមទៀត​។​

​លោក​បាន​បញ្ជាក់ថា សម្បត្តិ​បេតិកភណ្ឌ​វប្បធម៌ និង​ធម្មជាតិ បច្ចុប្បន្ន​បាន​ក្លាយជា​គោលដៅ​ដ៏​មាន​ស​កត្តា​នុព​ល​សម្រាប់​វិស័យ​ទេសចរណ៍​នៅលើ​ពិភពលោក ដូច្នេះ​ប្រទេស​កម្ពុជា ក៏​ដូចជា​ប្រទេស​ដ៍ទៃ​ទៀត តម្រូវឲ្យ​មាន​ការគ្រប់​គ្រង​សម្បត្តិ​បេតិកភណ្ឌ​វប្បធម៌​របៀប​ណា ដើម្បី​កុំឲ្យ​មាន​ផលប៉ះពាល់​នៅពេលដែល​ភ្ញៀវទេសច​រចូល​មក​ទស្សនា​ច្រើន​៕

ប្រភពពី៖ ដើមអម្ពិល​

Photo Gallery

 
 
 
Disclaimer: This website, Tourismcambodia.org, the official website of Ministry of Cambodia of the Kingdom of Cambodia, is designed and maintained collaboratively by Red Dot (Cambodia) Co. Ltd and Cybernetics Ltd, the owner Tourismcambodia.info and Tourismcambodia.net, a full service branding and advertising agency in Cambodia. While efforts are made to ensure that all the information hereto are good, accurate and up to date, by visiting the website Tourismcambodia.org, viewing, accessing or otherwise using any of the services or information created, collected, compiled or submitted to Tourismcambodia.org, you agree to be bound by the our Terms and Conditions of Use, (Click here). If you do not want to be bound by our Terms, your only option is not to visit, view or otherwise use the services of Tourismcambodia.org. You understand, agree and acknowledge that these Terms constitute a legally binding agreement between you and Tourismcambodia.org and that your use of Tourismcambodia.org shall indicate your conclusive acceptance of this agreement.