Japanese
The Ministry of Tourism of Cambodia  
Kingdom of Wonder
 
Blog
Multimedia

Pchum Ben Day or All Soul Day

Pchum Ben Day or All Soul Day

Running for 15 days from the end of September into October, and the exact date determined by the lunar calendar, this festival is dedicated to blessing...

| More
Cambodian Food

Prahok Kties

Prahok KtiesOur first meal in Cambodia consisted of fresh vegetables and prahok | More

Cambodia Tourism Law - Kingdom of Wonder
Service Category
Weather & Forecast
N/A
N/A°C
Feels Like: N/A°C
Currency Exchange
1 EUR ≈ 5,409.76 KHR
1 USD ≈ 4,062.00 KHR
CNN SPOT Adventure Cambodia SPOT CNN SPOT
FAQ
Child Safe Tourism

Visitor

Yesterday
:
2,007
Today
:
2,888
Total
:
2,815,594
 

មេ UNWTO បញ្ជាក់​ពី ការគាំទ្រ​ការអភិវឌ្ឍ ទេសចរណ៍​កម្ពុជា​

​សៀមរាប​៖ លោក ថោង ខុន រដ្ឋមន្ត្រី​ក្រសួង​ទេសចរណ៍​កម្ពុជា បាន​ថ្លែង​អះអាង​នៅក្នុង​សន្និសីទ​សារព័ត៌មាន​កាល​ពី​រសៀល​ថ្ងៃទី​២ ខែ​វិច្ឆិកា​នេះ​ថា អង្គ​សន្និសីទ​អន្តរជាតិ​ថ្នាក់​តំបន់​អាស៊ី​-​ប៉ាស៊ីហ្វិក បាន​ផ្ដោត​ការពិភាក្សា​លើ​ប្រធានបទ​សំខាន់ៗ ដូចជា ការអភិវឌ្ឍ​ទេសចរណ៍​ក្នុង​តំបន់​បេតិក​ភ័​ណ្ឌ មានដូចជា តំបន់​អង្គរ និង​តំបន់​ដែល​មាន​សក្តានុពល​ធម្ម​ជាតិ​នៅ​បឹង​ទន្លេសាប ។​

​លោក​បន្តថា ការពិភាក្សា​ផ្ដោតលើ​ឱកាស និង​បញ្ហា​ប្រឈម ដើម្បី​ជំរុញ​ការទាក់ទាញ​ទេសចរណ៍ ការគ្រប់គ្រង​កុំឲ្យ​មាន​ផលប៉ះពាល់​ជា​អវិជ្ជមា​ន​ដល់​តំបន់​បេតិក​ភ័ណ្ឌ​វប្បធម៌ និង​ធម្មជាតិ ជំរុញ​ប្រសិទ្ធិភាព​ការអភិវឌ្ឍ​ទេសចរណ៍​ប្រកបដោយ​និរន្តរភាព និង​ការទទួលខុសត្រូវ ដើម្បី​ទទួល​ផល ប្រយោជន៍​ទេសចរណ៍ និង​ធានា​កុំឲ្យ​មាន​ផលប៉ះពាល់​លើ​ធនធាន​វប្បធម៌ និង​ធម្មជាតិ នៅក្នុង​តំបន់​ទាំងនោះ​ផង​ដែរ​។​

​សន្និសីទ​អន្តរជាតិ​ថ្នាក់​តំបន់​អាស៊ី​-​ប៉ាស៊ីហ្វិក ក្រោម​ប្រធានបទ ការអភិវឌ្ឍ​ទេសចរណ៍​ក្នុង​តំបន់​បេតិក​ភ័ណ្ឌ​វប្បធម៌ និង​ធម្មជាតិ ដែល​ក្រសួង​ទេសចរណ៍​នៃ​ព្រះរាជាណាចក្រ​កម្ពុជា​បាន​សហការ​ជាមួយ​អង្គការ​ទេសចរណ៍​ពិភពលោក (UNWTO) ដែល​មាន​ការចូលរួម​ពី​បណ្ដា​ប្រទេស​ជា​សមាជិក​អង្គការ​ទេសចរណ៍​ពិភពលោក​ប្រមាណ ២៥ ដែល​រួម​មាន​រដ្ឋមន្ត្រី​-​អនុ​រដ្ឋមន្ត្រី អគ្គនាយក មន្ត្រីជាន់ខ្ពស់ និង​វាគ្មិន មកពី​បណ្ដា​ប្រទេស​ក្នុង​អាស៊ី​-​ប៉ាស៊ីហ្វិក និង​អឺរ៉ុប ផ្នែក​ឯកជន សង្គម​ស៊ីវិល និង​អ្នកសារព័ត៌មាន ប្រមាណ ៣០០​នាក់ ដែល​បាន​រៀបចំ​នៅ​សណ្ឋាគារ​សុខា​ល័យ ក្រុង​សៀមរាប ថ្ងៃទី​១-៣ ខែវិច្ឆិកា ឆ្នាំ​២០១៣​នេះ បាន​ប្រកប​ដោយ​លទ្ធផល​ជា​ផ្លែផ្កា​ក្នុង​កម្រិត​ខ្ពស់ ។​

​លោក ថោង ខុន បាន​បន្តទៀតថា បណ្ដា​វាគ្មិន ក៏ដូចជា​អ្នកចូលរួម​មកពី​បណ្ដា​ប្រទេស​ផ្សេងៗ ដែល​មាន​សម្បត្តិ​វប្បធម៌ បេតិក​ភ័ណ្ឌ​ពិ​ពភលោក ក៏​បាន​ផ្លាស់ប្ដូរ​ទស្សនៈ យោបល់ និង​ឯកភាព​គ្នា​លើ​ទស្សនៈ​រួម ហើយ​សន្និសីទ​ក៏បាន​សម្រេច​ចេញ​នូវ​សេចក្ដីប្រកាស​រួម​ក្រុង​សៀមរាប​មួយ​ដែល​មាន​ចំណុច​សំខាន់ៗ​ដូចជាៈ

​ទី​១​គឺ​ការអភិរក្ស និង​ការធ្វើឲ្យ​មាន​និរន្តរភា​ព​តំបន់​ទេសចរណ៍​ប្រវត្តិសាស្ត្រ​វប្បធម៌ និង​ធម្មជាតិ គឺ វិស័យ​ទេសចរណ៍​មាន​តួនាទី​សំខាន់​នៅក្នុង​តំបន់​អាស៊ី​-​ប៉ាស៊ីហ្វិក ដែល​មាន​ការគាំទ្រ​ដល់​កិច្ច អភិរក្ស​បេតិក​ភ័​ណ្ឌ និង​ការអភិរក្ស ការអភិវឌ្ឍ​សហគមន៍​ក្នុងស្រុក ហើយ​ភាព​ជា​ដៃគូ និង​ទំនាក់ទំនង​ដែល​ជា​មូលដ្ឋាន ដើម្បី​សម្រេចបាន​នូវ​លទ្ធផល​ទេសចរណ៍​ប្រកបដោយ​និរន្តរភាព រួម​ទាំង​ករណី​នៃ​ការអភិវឌ្ឍ​វិស័យ​ទេសចរណ៍​កម្ពុជា​ប្រកបដោយ​និរន្តរភាព ពិសេស​នៅ​តំបន់​អង្គរវត្ត ។​

​ទី​២ គី​កាលានុវត្តភាព និង​បញ្ហា​ប្រឈម​នៃ​ការអភិវឌ្ឍ​ទេសចរណ៍​ប្រកបដោយ​និរន្តរភាព​ក្នុង​តំបន់​អាស៊ី​-​ប៉ាស៊ីហ្វិក គឺ​ផ្ដោយ​លើ​ការគ្រប់គ្រង់​ទេសចរណ៍​តាម​តំបន់​មរតក​បេតិក​ភ័ណ្ឌ​ពិភពលោក និង ការធ្វើ​ទំនាក់ទំនង​ទៅ​កាន់​តំបន់​មរតក​ឲ្យបាន​គ្រប់គ្រាន់ ដែល​ជា​ធាតុ​ផ្សំ​នៃ​សកម្មភាព​ទេសចរណ៍ ព្រមទាំង​សារៈសំខាន់​នៃ​ទេសចរណ៍​បៃតង​នៅក្នុង​តំបន់​មរតក​វប្បធម៌ ។​

​ទី​៣ គឺជា​លទ្ធផល និង​ការផ្ដល់​យោបល់​សំខាន់ៗ ដូចជា ការទទួលស្គាល់​នូវ​អត្តសញ្ញាណ​ផ្សេងៗ និង​ការទាក់ទាញ​នៃ​តំបន់​គោលដៅ​ទេសចរណ៍ ។ ការធ្វើ​ឲ្យ​ប្រាកដថា ការអភិវឌ្ឍ​ទេសចរណ៍ ដែល​ពឹងផ្អែក​ទៅលើ​រមណីដ្ឋាន​វប្បធម៌ និង​ធម្មជាតិ ប្រកបដោយ​ការទទួលខុសត្រូវ និង​និរន្តរភាព សម្រាប់​រួមចំណែក​ដល់​ការអភិវឌ្ឍ​សេដ្ឋកិច្ចសង្គម និង​សុខមាលភាព​សហគមន៍ ការការពារ​អត្តសញ្ញាណ និង​ផ្លាស់ប្តូរ​វប្បធម៌​រវាង​ទេសចរ និង​សហគមន៍​ជា​ម្ចាស់ផ្ទះ​។

​ក្រៅពីនោះ អង្គ​សន្និសីទ​បាន​សម្រេច​លទ្ធផល និង​ការផ្ដល់​យោបល់​សំខាន់ៗ​មួយចំនួន​ទៀត​ក្នុង​ការធ្វើឲ្យ​មាន​និរន្តរភា​ព សម្រាប់​ការអភិវឌ្ឍ​ទេសចរណ៍ និង​ធម្មជាតិ​ក្នុង​តំបន់​បេតិក​ភ័​ណ្ឌ រួម​ទាំង​រក្សា​ឲ្យបាន​នូវ​វប្បធម៌​ស្នូល និង​រក្សា​នូវ​តម្លៃ​នៃ​សីលធម៌​ដើម​របស់​សហគមន៍ និង​បរិបទ​បរិស្ថាន ជាតិ​ផង​ដែរ ។​

​លោក​រដ្ឋមន្ត្រី​បាន​បញ្ជាក់​ផង​ដែរ​ថា លោក​អគ្គលេខាធិការ​អង្គការ​ទេសចរណ៍​ពិភពលោក បានបញ្ជាក់​ច្បាស់​នៅក្នុង​សន្និសីទ​អំពី​ការគាំទ្រ​ការអភិវឌ្ឍ​ទេសចរណ៍​កម្ពុជា ពិសេស​លោក​នឹង​នាំមក​នូវ​ព្រឹត្តិការណ៍​ធំ​មួយ គឺ​សន្និសីទ​ពិភពលោក​ស្ដីពី​ការអភិវឌ្ឍ​ទេសចរណ៍​វប្បធម៌​មក​ខេត្ត​សៀមរាប ដោយសារ​កម្ពុជា​មាន​សក្តានុពល​ដ៏​ធំធេង​នៅ​តំបន់​អង្គរ ពិសេស​ប្រាសាទអង្គរវត្ត ដែល​ជាបេ​តិកភ័​ណ្ឌ​ពិភពលោក​។ ដោយ​អង្គការ UNWTO និង​សហការ​ជាមួយ​អង្គការ UNESCO នឹង​រៀបចំ​សន្និសីទ​ពិភពលោក​នេះ​ឡើង ដែល​គ្រោង​មាន​អ្នកចូលរួម​ប្រមាណ​ជា ១០០០​នាក់ ក្នុងនោះ​រួមមាន រដ្ឋមន្ត្រី​ទេសចរណ៍ និង​ផ្នែក​ពាក់ព័ន្ធ​ទាំងអស់​នឹង​មកជួបជុំ​គ្នា​នៅ​ខេត្តសៀមរាប ដើម្បី​ជួប​ពិភាក្សា ផ្លាស់ប្ដូរ​យោបល់​គ្នា​បន្ថែម​ក្នុង​ការអភិវឌ្ឍ​វិស័យ​ទេសចរណ៍ និង​មាន​ទំនាក់ទំនង​រវាង ទេសចរណ៍​វប្បធម៌​នៅក្នុង​ខេត្ត​សៀមរាប ៕

ប្រភពពី៖ ដើមអម្ពិល​(Dap)

Photo Gallery