ភាសាខ្មែរ
ក្រសួងទេសចរណ៍នៃ​ព្រះរាជាណាចក្រកម្ពុជា
ក្រសួងទេសចរណ៍នៃ​ព្រះរាជាណាចក្រកម្ពុជា
ព្រះរាជាណាចក្រ​អច្ឆរិយ
អំពី​ព្រះរាជាណាចក្រ​កម្ពុជា
​សកម្មភាព​ផ្សេងៗ​ក្នុង​ប្រទេស​កម្ពុជា​
Cambodia Tourism Law - Kingdom of Wonder
Service Category
Weather & Forecast
រាជធានីភ្នំពេញ
Partly Cloudy
29°C
Feels Like: 33°C
Currency Exchange
1 EUR ≈ 5,548.19 KHR
1 USD ≈ 4,012.00 KHR
Adventure Cambodia SPOT CNN SPOT
Blog
Multimedia
FAQ
Child Safe Tourism

អ្នកចូលទស្សនា

ម្សិល​មិញ
:
3,086
ថ្ងៃនេះ
:
633
សរុប
:
2,395,498
 

ម្ហូបអាហារ​កម្ពុជា

ព្រះរាជាណាចក្រកម្ពុជា - ព័ត៌មានទូទៅ

ឆាត្រកួន
ត្រកួន គឺជា​បន្លែ​មួយ​ប្រភេទ ដែល​សម្បូរ​នៅក្នុង​ប្រទេស​កម្ពុជា​។ វា​មាន​រសជាតិ​ឆ្ងាញ់ និង​សម្បូរ វីតាមីន ព្រម​ទាំង​ជាតិ​ដែក​។ ចំណែក​ឆាត្រកួន​វិញ គឺ​គេ​យក​ត្រកួន​ទៅ​ហាន់​ជា​កំណាត់​វែង​ល្មម ហើយ​យក​ទៅ​ឆា​នៅក្នុង​ប្រេង​ខ្យង។ ធ្វើ​ដូច្នេះ​ហើយ​ជា​ការ​ស្រេច ហើយ​ឆា​ត្រកួន​ក៏​ចាប់ផ្តើម​បញ្ចេញ រសជាតិ​គួរឲ្យ​ចង់​ទទួលទាន​។​
នំបញ្ចុក
​នំ​បញ្ចុក គឺជា​អាហារ​ប្រពៃណី​មួយ​ដែល​ជាទី​ពេញនិយម​មិនមែន​សម្រាប់​តែ​ប្រជាជន​កម្ពុជា​ប៉ុណ្ណោះ ទេ គឺ​សម្រាប់​ភ្ញៀវ​បរទេស​ទាំងឡាយ​ផងដែរ​។ នំ​បញ្ចុក​គឺជា​អាហារ​មួយ​ប្រភេទ​ដែល​មាន​រសជាតិ ឆ្ងាញ់ ។ នំ​បញ្ចុក​ត្រូវបាន​ផ្សំ​ឡើង​ពី​សរសៃ​នំ​បញ្ចុក ដែល​ធ្វើ​ពី​អង្ករ រួមផ្សំ​ជាមួយ​បន្លែ​ជាច្រើន​មុខ ដូចជា ត្រយូងចេក ត្រសក់ ភ្លៅ​កង្កែប ត្រួយ​ម្កាក់ ត្រួយ​រាំង សណ្តែក​គួ ម្ទេស ជាដើម​។ ចំណែក ទឹក​សម្ល​មាន​ពី ប្រភេទ ទី​មួយ​ហៅ​ថា​សម្ល​ខែ្មរ ដែល​គេ​ស្ល​ពី​ត្រី​រស និង​សម្ល​មួយ​ប្រភេទ​ទៀត គឺ​សម្ល ការី ដែល​ភាគច្រើន​គេ​ស្ល​ជាមួយ​សាច់មាន់​។ នំ​បញ្ចុក​ពិតជា​មាន​សោភ័ណ្ឌភាព​ទាក់ទាញ​គួរ​ឲ្យ​ចង់ ទទួលទាន​ខ្លាំងណាស់​។
សម្លប្រហើរ
សម្ល​ប្រហើរ ជា​សម្ល​មួយ​ប្រភេទ​មាន​រសជាតិ​ឆ្ងាញ់​បែប​ហឹរ ស្រាល និង​ឈ្ងុយឆ្ងាញ់​។ សម្ល​នេះ បាន​ផ្សំ​ឡើង​ពី​គ្រឿងផ្សំ​យ៉ាងសំខាន់​ដូចជា​ប្រហុក ម្ទេស ហាន់ស្លឹកគ្រៃ​ឲ្យ​ម៉ត់ មើម​ខ្ជាយ សំបក​ក្រូច សើច ហើយ​យកមក​បុក​ឲ្យ​ម៉ត់ ដោយ​ប្រើ​អង្រែ និង​ត្បាល់ រួច​យកមក​ផ្សំ ជាមួយនឹង​សាច់​ត្រី ដែល ស្ងោរ​ឲ្យ​ឆ្អឹន ( ត្រី​រស់ ឬ​ត្រី​ផ្សេងៗ​ទៀត ដែល​គ្មាន​ស្រ​កា ដូចជា​ត្រី​ពោ ត្រី​ប្រា ត្រី​ឆ្លាំង និង​ត្រី ត្រនេ​ល​ជាដើម​) ដើម្បី​ធ្វើ​ជា​គ្រឿង​ប្រហើរ​។​ ​នៅតាម​តំបន់​ឆ្ងាយ​ដាច់ស្រយាល​ពី​ផ្សារ គេ​អាច​យក​គ្រឿង​ដែល​បុក​រួច​នោះ​មក​បុក​ជាមួយ ត្រីឆ្អើរ​ផង​ក៏​បាន​ដែរ​។
     
ញាំត្រយូងចេក
​ញាំ​ត្រយូងចេក គឺជា​ម្ហូប​មួយ​ប្រភេទ ដែល​មាន​រសជាតិ​ឆ្ងាញ់​ពិសារ ។ វា​មាន​គ្រឿងផ្សំ​ជាច្រើន​ដូចជា ត្រយូងចេក​ហាន់​ជា​បន្ទះ​ស្តើង​តូចៗ ព្រមទាំង​មាន​គ្រឿងផ្សំ​ដូចជា ក្រូចឆ្មា សាឡា​ត់ ការ៉ុត សណ្តែកដី ជី ហើយ​គេ​ក៏​អាច​ប្រើប្រាស់​សាច់ជ្រូក ឬ​សាច់មាន់​ក៏​បាន​ដែរ អាស្រ័យ​លើ​ចំណូលចិត្ត​របស់​អ្នក​ទទួល​ទាន​។ ញាំត្រយូងចេក​​ពិតជា​ផ្តល់​រសជាតិ​ស្រស់ស្រាយ ស្រទន់ ឆ្ងាញ់ ប្លែក​មាត់​។
ញាំម្កាក់
​ញាំ​ម្កាក់ ជា​អាហារ​មួយ​ប្រភេទ​ដែល​មាន​រសជាតិ​ឆ្ងាញ់​ប្លែក​ពី​ញាំ​ត្រយូងចេក​។ ហើយ​គ្រៀង​ផ្សំ​របស់ វា​មាន ម្កាក់ បងា្គ​ក្រៀម ទឹកត្រី ម្ទេស ខ្ទឹម​ស ជី សណ្តែកដី យក​មក​លាយ​ច្របល់​គ្នា ហើយ​មាន ដាក់​សាឡា​ត់ ហើយ​ក៏​គេ​អាច​លាយ​ច្របល់​ជាមួយ​ត្រីឆ្អើ​ផងដែរ​។ ​ញាំ​ម្កាក់​ពិតជា​ម្ហូបអាហារ​ដែលមាន​ជាតិ​ជូរ​ជ្រះ​ឆ្ងាញ់​ពិសារ​។
ប្រហើរទំពាំង
​ប្រហើ​ទំពាំង​គឺជា​ម្ហូប​មួយ​ប្រភេទ​ដូចជា​សម្លប្រហើ​រដែរ តែ​ខុសគ្នា​ត្រង់​សម្ល​មួយ​ប្រភេទ​នេះ​មាន​ប្រើ ទំពាំង​ជាប​នែ្ល ហើយ​វា​មាន​រសជាតិ​ហឹរស្រាល ឆ្ងាញ់​ជាប់មាត់ ជាមួយនឹង​បន្លែ​ជាច្រើន​មុខ ព្រម ទាំង ទំពាំង​ដែល​គេ​ចិត​ជា​បន្ទះ​ស្តើងៗ​។ ចំណែក​គ្រៀង​ផ្សំ​វិញ សម្លប្រហើរ​ទំពាំង រួមមាន ប្រហុក ត្រី​ទឹកសាប​ស្រស់ ផ្សិត និង​គ្រឿងផ្សំ​ជាច្រើន​ទៀត​។ នៅពេល​បច្ចុប្បន្ន​នេះ ប្រជាជន​តែងតែ​ស្ល​សម្ល ប្រហើរ​ទំពាំង​ដោយ​មាន​ថែម​ម្ទេស​ទៀត បង្កើន​រសជាតិ​ហឹរ​កាន់តែខ្លាំង​។
ស្ងោរជ្រក់បង្កង
​នេះ​ជា​ប្រភេទ​សម្ល​ទឹក​ដ៏​ពិសេស និង​មាន​ភាព​ទាក់ទាញ​ខ្ពស់​។ គ្រឿងផ្សំ​សម្ល​មួយ​ប្រភេទ​នេះ មិនជា អ្វី​ពិបាក​រក​នោះទេ ដោយ​រួមមាន គល់​ស្លឹកគ្រៃ ជី​ក្រហម ក្រូចឆ្មា ម្ទេស ជី​អង្កាម និង​សាច់មាន បង្កង​ទឹកសាប​ជាដើម​៕